Articles

تینتیس سال بعد نئی بابری مسجد کی تعمیر یا فتنۂ کبیر!! تحریر۔۔۔۔۔۔۔۔۔۔۔۔۔ جاوید بھارتی  چھ دسمبر 1992 کو بابری مسجد شہید کر دی گئی یعنی 33 سال کا عرصہ گزر چکا ہے لیکن جب بھی چھ دسمبر آتا ہے تو اس کی یاد تازہ ہو جاتی ہے مسجد کی شہادت کے بعد ملک کے جو حالات تھے وہ بھی انکھوں کے سامنے ا جاتے ہیں اب غور کرنے کی بات یہ ہے کہ بابری مسجد تو اب نہیں رہی لیکن بابری مسجد کے نام پر سیاست کرنے والے اور مسلمانوں کے جذبات کو مجروح کرنے والے اج بھی اپنی عادت سے باز نہیں ارہے ہیں بابری مسجد کے نام پر سیاست کی روٹیاں کل بھی سینکی گئی اور اج بھی سینکی جا رہی ہیں کتنے لوگ ایسے تھے اور ہیں جو کسی وقت میں گمنام تھے لیکن بابری مسجد کے نام پر شہرت حاصل کی اونچے اونچے محل تعمیر کیے کار اور بنگلہ والے ہو گئے اب ان کی زندگی بڑے ہی عیش و ارام سے گزر رہی ہے لیکن بابری مسجد اپنی جگہ پر نہیں رہی ہر سال چھ دسمبر اتا ہے اور گزر جاتا ہے بابری مسجد سے ہمدردی دکھائی جاتی ہے لیکن اس چھ دسمبر کو یہ عہد نہیں کیا جاتا کہ اج سے ملک کی تمام مساجد کو ہم اپنے سجدوں سے اباد کریں گے راقم الحروف نے اپنے علاقے کی جامع مسجد میں چ...

« ایس آئی آر » تسلی بخش جواب دینے والا کوئی نہیں!! تحریر: جاوید بھارتی  ہندوستان کے بارہ صوبوں میں ایس آئی آر نافذ کیا گیا چار نومبر سے فارم بانٹا جانے لگا اور بھرا جانے لگا بڑی تعداد میں بی ایل او کی تعیناتی کی گئی ،، بڑی تعداد میں بی ایل او ایسے بھی دیکھے گئے جو خود ایس آئی آر کے بارے میں کچھ نہیں جانتے ، ایسے بھی ایل او دیکھے گئے جو اپنے ہاتھوں سے فارم بھر نہیں پاتے آج بھی ہر طرف افراتفری کا عالم ہے کوئی 2025 کی ووٹر فہرست میں اپنا نام تلاش کررہا ہے تو کوئی اپنے باپ دادا ، نانا نانی کا نام تلاش کررہا ہے تو کوئی اپنی بیوی کا نام تلاش کررہا ہے کوئی اپنے بیٹے اور بیٹی کا نام تلاش کررہا ہے اور جب نہیں ملتا ہے تو چہرہ فق پڑ جاتا ہے ماتھے پر چنتا کی لکیریں ابھر جاتی ہیں پھر وہ ہر ایک سے سوال پوچھتا ہے کہ میرا کیا ہوگا لیکن اسے تسلی بخش جواب دینے والا کوئی نہیں ملتا  اسی طرح بہت بڑی تعداد ایسی دیکھی گئی کہ ان کا نام 2003 میں ہے لیکن ان کے سرپرست کا نام نہیں ہے وہ بھی کافی فکر مند ہیں آج ہر شخص اپنے آباؤ اجداد کا نام تلاش کررہا ہے اور ان کو یاد کررہا ہے کہا تو یہ جاتا ہے کہ صرف وو...

رشتہ بھائی بھائی کا !! از: جاوید بھارتی  پہلے کہا جاتا تھا کہ دنیا گول ہے لیکن اب یہ کہنا چاہیے کہ دنیا مطلب پرست ہے ، دنیا مفاد پرست ہے جب تک مطلب اور مفاد ہوگا تب ایک دوسرے کے ساتھ اٹھنا بیٹھنا ہوگا، گفتگو ، سلام کلام ہوگا، دعوت تواضع ہوگی خاطر داری ہوگی مطلب نکل جانے پر راستہ الگ الگ ، سلام کلام ایسا کہ کوئی ذائقہ نہیں ، کوئی مٹھاس نہیں ، کبھی مل بھی گئیے تو خلوص نہیں ، کبھی کچھ کھلا بھی دیا تو خوداری چھیننے کے بعد ، ہاتھوں پر دو کوڑی بھی رکھا ذلیل کرنے کے بعد اور بعد میں کبھی حال چال بھی لیا تو احسان جتانے کے بعد ،، غرضیکہ کہا جاتا ہے یہ زندگی ایسی ہے کہ کب کہاں زندگی کی شام ہوجائے یقیناً اس کہاوت میں سچائی ہے اور آگے یہ بھی کہنا چاہیے کہ کب کہاں کس کا مزاج بدل جائے کب کہاں کوئی شخص مفاد پرستی میں مبتلا ہو جائے اور خاندان ، پڑوس ، رشتہ دار ، دوست احباب کو بھلا بیٹھے تعلقات کے تمام مراحل کو بھلا بیٹھے ، سکوں کی جھنکار میں مست مگن ہو جائے۔ زید و بکر دو بھائی ہیں بچپن میں باپ ملک عدم کو راہی ہوجاتا ہے زید بڑا بھائی ہے اب وہ بکر کے ساتھ بھائی کا حق ادا کر رہا ہے اور ساتھ ہی باپ کا ...

بیٹا جب تو جوان اور میں بوڑھا ہوجاؤں گا!! تحریر: جاوید بھارتی   ایک بات ایک تقریر ہر جوان کو سننی چاہیے ایک تحریر جو ہر جوان کو پڑھنی چاہیے میرے پیارے بیٹے ایک دن تم مجھے بوڑھا دیکھو گے، میرے چہرے پر جھریاں پڑ جائیں گی، پیشانی پر لکیریں ابھر جائیں گی، ہونٹوں پر پوپری پڑجائے گی، ہاتھوں کی جلدیں سکڑ جائیں گی، پیر لڑکھڑا نے لگیں گے، ہاتھوں میں لاٹھی بھی ہوسکتی ہے، آواز بھرائی بھی ہوسکتی ہے ، آنکھوں کی بینائی کمزور بھی ہوسکتی ہے میرا رویہ تمہیں عجیب لگے گا اس وقت مجھے تمہاری محبت اور صبر کی ضرورت ہوگی۔  جب میرے ہاتھ کانپنے لگیں گے اور ہاتھ سے کھانا گر جائے یا کپڑے پہننے میں مشکل ہو تو یاد کرنا میں نے تمہیں بھی یہ سب کرنا سکھایا تھا ، تجھے اپنے ہاتھوں سے کھاناکھلا تا تھا اگر میں ایک بات بار بار دہراؤں تو غصہ مت کرنا یاد کرنا بچپن میں تو نے بھی مجھ سے ہر بات 100 دفعہ پوچھی تھی اور میں ہمیشہ تسلی بخش جواب دیتا تھا ،اگر میں خوبصورت نہ لگوں یا مجھ سے تمہیں اچھی مہک نہ آئے تو الزام مت دینا بیٹا یاد کرنا کہ جب تم چھوٹے تھے میں تمہیں ہمیشہ خوبصورت اور صاف ستھرا رکھتا تھا، تجھے نہلا د...

تذکرہ کچھ اردو زبان کا !! تحریر: جاوید بھارتی ہندوستان میں اردو زبان کو زندہ رکھنے والا سب سے مؤثر ذریعہ ہزاروں کی تعداد میں پھیلے ہوئے دینی اسلامی مدارس ہیں ،، جو بالخصوص مسلمانوں میں اردو زبان کو باقی رکھنے کے ہر ممکن ذرائع تحریر و تقریر ، درس و تدریس نیز کتب ورسائل فراہم کرتے ہیں ،، اور دوسرا اردو زبان کے فروغ کا غیر ارادی ذریعہ ہندوستانی فلمیں ہیں جو بنام ہندی ملک و بیرون ملک قبول عام کا درجہ رکھتی ہیں تمام ہندوستانی فلموں میں آسان اردو ہی استعمال کی جاتی ہے اور سنسکرت نما ہندی سے انہیں دور کا بھی واسطہ نہیں ہوتا اور چند خطوں و علاقوں کو چھوڑ کر ان فلموں کو آل انڈیا پیمانے پر دیکھا اور سمجھا جاتا ہے جو اردو زبان کی مقبولیت کا عام ثبوت ہے اس کے باوجود بھی اگر اہل تعصب صرف مسلمانوں کی زبان کہتے ہیں ،، ایسی صورت میں تو ان کے دماغوں کا فتور ہی کہا جائے گا۔ تذکرہ کچھ اردو زبان کا !! تذکرہ کچھ اردو زبان کا !! 1989 کے آخر میں اردو زبان کو اترپردیش کی دوسری سرکاری ڑزبان کا درجہ دئیے جانے کا اعلان سابق وزیراعظم نے کیا ،، اس پر رائے زنی اور تبصرہ فضول ہے کہ مسلمانوں کی کہی جانے والی زبان کے ...

دعا مومن کا ہتھیار ہے لیکن پیش قدمی بھی ضروری ہے! مایوسیاں دامن میں ہے کچھ پاس نہیں ہے  تحریر: جاوید بھارتی کہا جاتا ہے کہ دنیا گول ہے لیکن اس گول دنیا کے حالات پر نظر ڈالنے سے معلوم ہوتاہے کہ دنیا مطلب پرست ہے ، مفاد پرست ہے ، اس دنیا میں خودغرضی کا بول بالا ہے ، صاحب دولت اور صاحب ثروت کا بول بالا ہے سلام, کلام ، تعلقات ، رشتہ ناطہ سب مفاد پرستی کی زنجیر پہنے ہوئے ہیں وہ بھی ایک زمانہ تھا جب کسی شخص کو کسی چیز کی ضرورت ہوتی تو ہمسایہ اس ضرورت کو پورا کرنے کے لئے ایک پیر پر کھڑا نظر آتا تھا لیکن آج وہ باتیں ختم ہو گئیں کوئی دریا میں ڈوبتا ہے تو اسے نکالنے سے زیادہ ویڈیو بنانے کی فکر ہوتی ہے ، کہیں جھگڑا ہوتاہے تو صلح مصالحت کرانے سے زیادہ آگ میں گھی چھڑکنے کی فکر ہوتی ہے نتیجہ یہ ہوا کہ آج پورے معاشرے میں اتحاد و اتفاق ، اخوت و محبت اور بھائی چارگی کا فقدان پایا جاتا ہے۔  مذکورہ حالات انفرادی اور اجتماعی دونوں صورتوں میں ایک ہی جیسے ہیں بلکہ اب تو اجتماعی طور پر بھی اپنی اپنی پڑی ہوئی ہے،، ایک زمانہ تھا جب کندھے پر سازوسامان لئے ایک قوم دردر ٹھوکر کھارہی تھی ، دنیا کا کوئی مل...